奧咸「讓客」唔怕追

猪拉多纳

「四眼哥」近排瞓得好差，搞到記性麻麻，已經唔記得《蠱蠱惑惑》呢個專欄嘅推介，連續中晒幾多個星期。咁講唔係因為「四眼哥」寸嘴，而係想提醒大家，所謂長路有盡時，正正因為中得太多次喇，會唔會繼續中落去呢？「四眼哥」唔知，但之前有跟過贏到嘅朋友，嚟緊落注之前記得自己要多多分析，千萬唔好做「二仔底」呀！

講番今日啲波先，足智彩84場受注賽事中，「四眼哥」睇到兩場畀大家研究吓。其中英甲奧連特對奧咸，主隊賽前排第7、客軍就排19，雖然未至於一個天、一個地，但都差成十幾位，所以兩連勝嘅主隊畀歐莊們睇好係可以理解。

之但係足智彩開嘅主W唔止高過歐洲平均值，仲要好分過Interwetten等等幾個大莊，反映操盤手並唔認為奧連特可以咁易贏波，睇埋同時連和波同客勝都調低咗嘅動態，足智彩操盤手咩睇法，唔使再多講，「四眼哥」會要受讓嘅「讓球客勝」。