電訊超星拔頭籌

猪拉多纳

　　今日係女皇盃賽日，有唔少外地好馬來港，值得入場觀戰。我哋隻「電訊超星」有份響頭場上陣，呢隻馬上場響1400米追入一席第三，表現算唔錯，今次繼續跑同程，對手唔算強，希望可拉番一場頭馬喇！

　　另一匹心水係第五場摩廐「替天行道」，呢隻馬在港跑咗三仗，每次都輸唔遠，上場跑打吡亦只係輸畀「事事為王」個半馬位，今次跑二班賽對手弱一截，係時候交代。