你知我心本利歸還

猪拉多纳

　　香港馬圈可謂人才輩出，走了一個郭立基，換來一個貝湯美，後者剛戰一鳴驚人，小伙子初來港即憑「軍事出擊」捧走女皇盃，前途無可限量。

　　湯美仔騎功有板有眼，上日賽事經已證實，多位廐主乃識貨之人，今日其支持度即時提升，胯下共有八匹坐騎，分別來自告達理、徐雨石和沈集成三個倉。若以馬論馬，湯美仔明日各駒盡皆邊線貨色，跑輸理所當然，贏則意外驚喜，對提升身價有莫大幫助，騎者沒有壓力下，隨時發揮出超水準！

　　先講頭場隻「你知我心」，上仗初出雷聲隆隆，臨場跑落卻雨點細小，結果1.3倍熱倒，更連位置也不保。賭博士不知幕後有否損手，然而大告讓人空歡喜一場後，應有心補鑊；今次此駒改配貝湯美，兼且初戴頭罩，由蟲變龍亦可解釋。此駒剛戰輸怕了人，今仗應換來理想賠率，有權一鋪本利歸還！

　　再講第十場「飛躍之駒」，此駒特擅泥地1200米，可惜現評85分，短期內沒有同程賽事，增程發展是唯一出路。事實上，五歲馬今季落腳較過往緩慢，今仗跑一哩看似被迫，其實正合馬兒腳法，打王牌報名道盡幕後求勝心意！