皇馬大反攻 多蒙特下盤偷雞

猪拉多纳

歐聯四強次回合展開，首回合兩支德甲球隊惡晒，由於比分差距大，難免會影響整體投X額，初盤交投唔算活躍，大戶紛紛按兵不動，相信都係因為呢個原因。皇馬次回合回師主場出戰，初盤讓到一球，睇完佢哋首回合表現後，暫時上盤支持者唔算多，呢啲都係意料中事。
大盤低水露玄機

皇馬對住多蒙特本來係好戲碼，但由於多蒙特踢得太好，搞到對手完全唔夠班咁，場波對抗性不足，自然冇咁精彩。今次皇馬讓到一球，肥叔呢場都係傾向捧下盤，不過，多蒙特小敗都冇問題，唔適宜作為投X重心。莊家將大細中位數調整到3.5球，部分行家仲將中位數設定為４球，大盤較為低水，搞咁多嘢都係唔想太多人一窩蜂玩大盤。

不過，呢場皇馬一開波就會狂攻，多蒙特班後生仔好犀利，個個當打有活力，都係同對手鬥搶，好易形成對攻局面，佢哋分組賽作客皇馬都係唔怕同對手鬥攻，今次將會用番相同戰術。由於皇馬要大勝先可翻身，結合埋現時形勢，預期兩隊會合演入球騷，入球大係投X首選，若果仍然對多蒙特有信心，可小試下盤。
肥叔心水

米禾爾平手盤

多蒙特下盤、大