奧林比亞會受讓冇問堤

猪拉多纳

南美自由盃16強首回合，周三早上先由阿甲球隊堤格雷主場對巴拉圭球隊奧林比亞會。牌面上阿甲代表應該秤高少少，但衰在堤格雷近期先至上力，球員狀態有疑點，今場冇十足把握制敵。奧林比亞會兩連敗好似冇料到，但其實係扮豬食老虎，今場奧林比亞受讓可捧「讓球客勝」。

（周三早上7時15分開賽）
迪祖亞拿可憑地利制敵

奧林比亞會喺分組賽唔單止以首名晉級，更取得16個入球，與巴甲明尼路並列分組賽入球最多第一位，而且同組對手唔係水皮，當中包括阿甲紐維爾舊生以及2011年南美球會盃盟主智利大學，可想而知奧林比亞會唔係「符碌」過關。雖然話佢哋近期喺聯賽演出麻麻，但有理由相信係為今場保留實力，故無謂對近績太過介懷。

堤格雷近期喺阿甲連番失利，直到上輪聯賽擊敗小阿根廷人先至稍為止住頹勢。對手小阿根廷人只係阿甲榜尾球隊，所以堤格雷上仗之勝唔算有太大驚喜，今次遇到有實力嘅奧林比亞會未必夠砌，讓波必捧客隊。

較後時間仲有墨西哥球隊迪祖亞拿主場對巴西彭美拉斯，今場較為睇好主W，彭美拉斯已降落乙組，能夠出戰南美自由盃全因佢哋係巴西盃冠軍。今次打到入淘汰賽階段已經超額完成，唔好對佢哋有太大期望。位處中美洲嘅迪祖亞拿有地理上嘅優勢，料可輕取對手。

（周三早上9時30分開賽）