撐巴塞「第一隊入球」

猪拉多纳

睇上星期嘅歐聯四強首回合，真係估唔到兩隊西甲班霸會失到四球咁慘。今晚場巴塞隆拿對拜仁慕尼黑同尋晚場皇家馬德里對多蒙特差唔多，都係未見官先打八十大板，巴塞仲要上回合連一個作客入球都無添，要追五球？好難追好難買呀！

且不論拜仁上回合係咪專登喺安聯球場草地灌水，搞到巴塞做唔到地面組織。但話晒巴塞都係世上數一數二班霸，唔應該永遠用一招去打天下！技不如人，再加上個陣天殘地缺，美斯帶傷上陣，成個上半場巴塞只得一次攻門，後防又甩漏，天時、地利、人和全部聚喺拜仁嗰邊，難怪輸得咁核突。相反，拜仁個個踢出身價波，角球多到不得了，咁冇得好講啦，巴塞輸波已經係定數，但最令人反感係連品都輸埋，嗰個佐迪艾巴臨完場無喇喇成個波飛落洛賓塊面度，結果攞黃牌今場停賽。
巴塞主場近四次對賽全大

所以，今場真係要買的話，我會博巴塞「第一隊入球」，話晒返到魯營。拜仁亦可能會睇住嚟食，始終有四球在手，人強馬壯，何必同你鬥攻，反而做好自己防守緊要啲，佢哋都「防慣防熟」，今季作客謹慎過喺主場，失球數字好低。我仲會揀埋入球大，呢場巴塞唔會就咁坐以待斃，焗住上；不過顧得攻又會疏忽防守，如果拜仁同時把握時機，開大機會唔細，巴塞近４次主場對拜仁，四次都開大，當中兩次巴塞更係淨勝拜仁四球！

即管買定花生，半夜兩點九黐實我哋球彩台，睇吓巴塞可唔可以創造奇迹、九十分鐘內追番四球踢加時啦！不過，最好法定時間贏突番啦，球迷第二朝一早要返工o架！
車車推介

巴塞隆拿Vs拜仁慕尼黑

第一隊入球：主隊、入球大