甘美奧細味聖達菲

猪拉多纳

16強首回合睇定食

本周中有唔少盃賽，南美就有自由盃16強戰，巴甲甘美奧主場對哥倫比亞嘅聖達菲，甘美奧人腳質素較佳，唔少球員去過歐洲搵食。照秤戰鬥力一定喺聖達菲之上，加埋主場因素要贏波應該唔難。不過佢哋踢法保守，好少有大手交易情況出場，相信今場都唔會例外。反正都係兩回合計賽事，首回合甘美奧大可睇定嚟食，料細盤開出機高。

（周四早上6時30分開賽）

甘美奧已連開7口細盤，所涉及嘅賽事包括州聯以及自由盃。最值得留意係呢7場波當中，甘美奧未有一場士哥超過1球，長「細」攤路唔似巧合咁簡單。估計今場鬥聖達菲都唔會有大改變，甘美奧仍會採取先穩守後反擊戰術，佢哋打法咁特別，與名帥盧森保高當然有關。當年佢執教西甲皇馬之時，大膽引入4-2-2-2陣式，平衡三線力量，減少後場壓力亦保持前場有足夠球員爭取入球。

查實盧森保高嘅戰術理念與森巴傳統足球文化有好大分別，所以你好難見到佢麾下球隊會瘋狂進攻，入球偏少可以理解，加上呢位老帥今仗停賽，球員更加唔敢亂政。聖達菲自知實力有限，今場作客隨時會退後防守，待次回合返主場先再作打算。主客兩隊都唔係太放膽進攻，今場入球應唔多，細盤先揀。
瑞典盃哥登堡翻轉奧斯達

瑞典盃亦進行4強戰，佐加頓斯主場對奧基迪同樣揀細盤。佐加頓斯近兩場都冇入球，攻力不濟欠勝機。奧基迪只係瑞典甲球隊，質素有限難撕破對手防線。同時間舉行仲有奧斯達主場對哥登堡，客W有分頭可捧。比較起兩隊喺瑞典超嘅演出，哥登堡佔盡上風，今場可望輕鬆勝出。

（周三晚7時30分開賽）