巴素利最興尾段入波

猪拉多纳

三球差距實在唔細，最終皇馬只能攻入多蒙特兩球完成任務，總算雖敗不辱。皇馬出局可能大家早有心理準備，而莫連奴喺賽後記者會更終於透露未必留隊，更話要去一個人人支持佢嘅地方！咁解讀法仲唔係回歸車路士？據聞林柏特能否續約留隊，車仔會留返畀新領隊決定，若果莫連奴能夠重掌車仔，「林伯」留隊機會就大大增高啦！
車仔林柏特費托搶韁

林柏特喺上周聯賽後備上陣，表現出色之餘仲射入十二碼，唔知今晚會唔會得到肥賓歡心，贏到個正選位置？首回合作客先贏2比1令車仔有唔少優勢，今晚除咗丹巴巴亞唔合符上陣資格外，全軍主力都可上陣，以雙方實力差距，理應可以再勝一仗。尤其是費蘭度托利斯戴咗鬼面具後重拾自信，喺歐洲賽表現更佳，上陣7次射入4球，今晚一定力爭表現。

巴素利今晚應該會以首回合原班人馬上陣，陣中大家最熟識嘅應該係射手阿歷山大費爾同隊長史達拿，但佢哋防守主力德高域停賽，對後防肯定有影響，面對車仔狂襲未必頂得住。但參考巴素利有個得意數據，就係佢哋完場前15分鐘入球特別多，配合返車仔尾段可能收油留力周末對曼聯，巴素利話唔定保持傳統偷雞入波光榮出局，所以今晚都係選擇推介入球大。

（有線61、64、201及203台周五凌晨3時05分直播）
Kit推介：入球 大