紐卡素頹爆遇錘仔幫冇運行

猪拉多纳

如果話維拉係護級球隊中近況最好，咁紐卡素一定係最差兼士氣最曳。「喜鵲」近兩場主場共吞九隻光蛋，今場作客仲要遇上「仇家」艾拿戴斯領軍嘅韋斯咸，好大機會再輸一場，韋斯咸讓平半，建議捧上盤。

（有線303及203台周六晚10時直播）

紐卡素上周主場以0比6大敗於利物浦腳下，連同之前輸畀新特蘭0比3，連續2場大敗嚴重打擊球員士氣。自從阿根廷中堅高洛仙尼受傷之後，紐軍中門大開，而且右閘迪保治上仗領紅今輪停賽，防線更加牙煙。韋斯咸近6場聯賽只曾僅負曼城，前鋒安祖卡路爾頻頻有士哥，狀態甚好。「錘仔」領隊艾拿戴斯於07/08球季執教紐卡素半季便被炒魷，視為執教生涯一大污點，如今遇舊主仲唔乘機踩多腳咩！
韋根征西布朗戰意高

排18嘅韋根作客鬥西布朗，由於韋根比其他護級對手少踢一場，形勢仲未絕望，但先決條件係要自己爭氣。西布朗位列中游戰意唔高，讓波靠唔住，韋根受讓平半捧下盤。

（有線305台周六晚10時直播）