馬賽呢排歎慣細界

猪拉多纳

阿King今日想同大家傾下法甲馬賽主場迎戰巴斯蒂亞，前者雖爭標機會渺茫，仍要力保二哥位的下屆歐聯分組賽資格，不過該隊近期守強攻弱，加上有主力阿休停賽，「風流波」巴斯蒂亞更加唔會同你癲，悶鬥悶下唔慌多波入，捧細盤。

（now 714周六晚11時直播）

由於馬賽喺積分同得失球差都被榜首聖日耳門大幅拋離，依家保住直接殺入下屆歐聯32強分組賽嘅二哥位最實際。馬賽近8場聯賽不敗共擸18分，成績唔錯，但經常煲魚生粥，除箭頭基格納之外，其他球員好似唔多識入波，加上佢哋防守固若金湯，有7仗保持清白之身，連開七口細，今仗有進攻中場阿休停賽，攻力進一步削弱，馬賽惟有沿用穩守突擊，冇嘢好爭嘅巴斯蒂亞亦係等收咧心態，呢場開細機會極高。
登地聯唔阻聖莊士東

至於蘇超爭標組賽事，登地聯主場對聖莊士東，聖莊士東只差第三位嘅恩華尼斯1分，爭逐下屆歐霸入場券仲未絕望，相反登地聯已經無欲無求，無謂阻人發達喇，主場讓波必反，捧「讓球客勝」。