洛杉磯銀河乘勇滅模

猪拉多纳

美職洛杉磯銀河主場對侯斯頓戴拿模，呢支上季美職總冠軍早陣子要出戰中冠盃，球員兼顧兩條戰線，難免會影響聯賽成績，如今中冠盃已完滿結束，球隊經過調整後已重回正軌，今場對侯斯頓戴拿模可繼續睇好，主W值得優先留意。銀河早前喺中冠盃連輸兩場畀蒙特雷，但對方係中北美州強隊，輸波都無話可說。經過心理調整後，銀河已喺聯賽取得連捷，證明呢支名牌球隊已重拾霸氣，今場應可輕取作客不濟嘅侯斯頓戴拿模。

（周一早上11時開賽）