國家打吡撐河床

猪拉多纳

阿甲明早上演重量級國家打吡，小保加主場迎擊河床。小保加喺上周中南美自由盃16強首回合主場擊敗巴西球隊哥連泰斯，狀態似乎唔錯，但聯賽表現就不敢恭維。小保加自次階段聯賽開鑼後只係贏過一場波，而且仲要追溯到首輪賽事，球隊防線失波甚多，今仗就算喺主場面對宿敵河床都難有勝算。河床近期戰績唔錯，暫以六勝三和二負排喺聯賽榜第三位，而且小保加須分心應付自由盃，意味河床將有較多時間備戰呢場國家打吡。河床今仗作客難得受讓，實在值得支持，捧「讓球客勝」。

（周一凌晨3時30分開賽）