費利拿大戰士砵亭

猪拉多纳

以往葡超Big3，一定係波圖、賓菲加同士砵亭，自從士砵亭沉淪之後，取而代之嘅係布拉加。不過今季形勢又有變，除咗「賓波」依舊為聯賽錦標爭個你死我活之外，乘住布拉加季初兼顧歐聯致成績起伏，寂寂無聞嘅費利拿靜靜地起革命，至今只係輸過三場咁大把，以極其穩定嘅演出殺上第三位，令佢哋大有機會取得下屆歐聯外圍賽入場券，不過佢哋今仗對手士砵亭喺西班牙翼鋒迪亞高卡普帶領下，亦有復甦迹象，加上要爭逐歐霸資格，兩軍各有目標勢必搏甩髀，入球大有2倍更加好路。

（周一凌晨3時15分開賽）