阿積士可捧盃揚「威」

猪拉多纳

今晚九場荷甲同時間開波，榜首阿積士主場只要擊敗包尾大幡威廉二世，便毋須理會其他戰果宣布成功衞冕，無論從實力、決心去計，阿積士大有不勝無歸之感，除捧「讓球主勝」之外，「半場大」亦值得一試。

（now 639周日晚6時30分直播）

荷甲剩餘兩輪，阿積士目前領先第二位嘅燕豪芬及第三位嘅飛燕諾四分，換句話講今晚只要擊敗威廉二世，已經可以宣布提前奪標。就算冇呢個奪標因素，單計球員質素逐個秤阿積士都肯定贏晒，而且阿積士對上十場主場聯賽一係唔贏，一贏至少都可以淨勝兩粒或以上，有力大炒一場賀捧盃。

威廉二世落後尾二嘅芬洛四分，最叻都只可以搶番一席護級附加賽資格，不過「冰封三尺、非一日之寒」，如果球隊係咁醒，就唔使等到最後關頭先發力喇，而且今場仲要作客志切捧盃嘅阿積士，注定劫數難逃，以客軍脆弱防線，估計主隊可以早早打開紀錄，捧「讓球主勝」之餘可兼投「半場大」。
燕豪芬為歐聯必炒奈梅亨

聯賽冠軍已係阿積士囊中物，不過亞軍依然有得爭，由於亞軍可以參加下屆歐聯外圍賽，為名為利當然搏到盡。燕豪芬及飛燕諾同得六十六分，燕豪芬在得失球差有絕對優勢，所以只要贏晒餘下兩仗便可達標，但燕豪芬煞科戰將要作客硬撼前度冠軍川迪，唔排除有失分可能，故此今晚迎戰奈梅亨更加不容有失，呢場一於捧「讓球主勝」。

（now 638周日晚6時30分直播）