PSG祝捷P不「勝」無歸

猪拉多纳

只要巴黎聖日耳門（PSG）今晚喺主場贏波，基本上都可以開香檳，慶祝球會自94年以嚟再奪聯賽錦標。據講成班球迷已經準備好晒開Party，咁嘅情況下，PSG球員肯定會省多兩球氹吓班粉絲。至於作客嘅華倫西恩斯無欲無求，相信會畀面主人家，1.56倍「讓球主勝」穩開。

（開賽時間：周一凌晨3:00）
華倫西恩斯半打傷兵

先簡單講吓法甲形勢，如果榜首PSG今仗攞足3分，以佢哋大量嘅得失球優勢，可以話攞硬冠軍咁滯。若然馬賽尋晚失分就仲簡單，PSG一贏就宣布提早奪冠，所以佢哋呢場肯定不勝無歸！主將阿歷士洛里高都講明：「球隊上下都準備好，今場波實有好表現。」雖然中場馬高華拉堤、碧咸、莫達、門將沙華托尼施利古唔踢得，不過仲有伊巴謙莫域、柏斯托尼等好波之人壓陣，入波真係「依絲執」。

對手華倫西恩斯唔憂降班，戰意難測，加上佢哋有前鋒佩祖爾、守將洛里斯尼利等6件傷兵唔出得，睇怕都係畀PSG糟質居多。