烏甸尼斯主W趁熱食

猪拉多纳

今晚意甲頭炮，（日）2烏甸尼斯主場迎戰森多利亞，簡單捧1.52倍主勝。烏甸尼斯前排仲喺聯賽中游浮沉，點知班波上個月突然大爆發，取得4連勝後殺上第6位，就連教頭古度連都話意想唔到，但家陣有機會搶到來屆歐洲賽資格，聯賽目標變得明確，加上迪拿達利同羅拔圖佩雷拉等進攻好手繼續擔正數胡，想延續連勝氣勢相信唔難。

再者，對家森多利亞喺3月頭以1:0擊敗帕爾馬之後，連續7場聯賽冇贏過，上輪更加淨吞費倫天拿3蛋，今場除咗中場基斯迪錫養傷，中後場嘅柏比保同加斯達迪路亦要坐波監，殘陣應戰點頂得住烏甸尼斯吖。
冷敲17倍燕豪芬「客主」

至於（日）3阿積士主場鬥威廉二世，兩班波實力雖然差天共地，但阿積士近4次對碰都僅以2球差距贏波，今場-2「讓球和」有4.9倍不俗分頭，值得留意。（日）9燕豪芬對奈梅亨，主隊情況同阿積士情況相同，主勝賠率熱到辣手，之不過佢哋對上3次主場迎戰奈梅亨，有2次都畀對方偷雞半場落後，跟住喺下半場再發力反勝，今場10.5倍「半客」同17倍「客主」係扒冷精選。