駕翠腳步輕快

猪拉多纳

　　昨晨是最後試跑期，出跳馬細水長流，七時正草地千八米開放供馬匹試跑或彈閘，惟只得兩匹有賽程馬參試。

　　「駕翠」黎海榮試八百米，姿態從容不迫，腳步輕快，彈力充盈，予人印象不錯。

　　「喜寶駒」柏寶試千二米，走來有一氣呵成之妙，翻步靈巧，狀態有進冇退。

　　「百威將領」助手試四百米，胸口有些少白汗，步整有力，進度理想，成熟勝前。

　　勝利雄心動作矯健

　　「勝利雄心」助手、「競技英雄」助手相偕試八百米，前駒佔先兩三乘帶放，後駒如影隨形，最後二百米外檔的「競技英雄」獲准展步上前，一齊衝線，走勢挺勁，近況不差；「勝利雄心」動作矯健，精神更集中，靚過上賽。

　　「開心駕到」安國倫試八百米，步幅開得闊，體力猶充沛，觀感上未見不妥，勇態早備。

　　「幸運勇士」助手試四百米，出腳順暢，體健神清，操養得宜，近況與上名時差不多。

　　「勝在分秒」潘頓試八百米，沿途搶住走，惟受到約束，火氣十分旺盛，勇況持續有餘。

　　「迎風起舞」韋達試八百米，閒庭信步，健康情況好轉，腳勁稍增，近況八九分左右。

　　「熱刺小馬」潘頓試四百米，走勢爽朗，肌肉現線條，躁火收斂，有些少進步。

　　好好運體格強健

　　「好好運」韋達試千二米，翻步順暢，體格強健，連拼未疲，狀態長期有作戰水準。

　　「經濟達人」貝湯美在草地試四百米，按實任馳，體力已復，惟欠點銳勢，進度似是而非。

　　「駿馬精英」馬偉昌試八百米，助手策「妙不可言」相伴，前駒佔先乘多帶放，直路上均加快步伐，爭持下未分勝負，內檔的「駿馬精英」走來似模似樣，仍有兩腳；「妙不可言」比前上力，頹氣漸消。

　　「寶樹嘉盈」黎海榮與P331助手相偕在草地彈閘，前駒躍出稍慢，跑了一段短途程已跟上廐侶，叮噹馬頭而回，健康養番好，初起而已；後駒稚嫩未熟。