柏寶目標賀廐雙雄

猪拉多纳

　　騎師柏寶，原本早幾日已經要停賽，但申請押後執行罰則，跑埋今期先至停賽，如果未跑上次沙田賽事，唔知佢係為邊一期，既然上次幾乎食白果，全日7駒僅得1P，顯然今期谷草會係佢目標。

　　老實講，今季柏寶贏熱門次數唔係冇，不過，在佢手上輸為數仲多！今期大家小心睇路，因為佢差唔多匹匹坐騎有飛，隔晚最冷係「豁達瀟灑」，約為十倍左右，而其餘坐騎介乎兩倍至7倍，比較熱當然係「喜寶駒」、「勝利雄心」及「紅運福星」。

　　而筆者比較鍾意一對賀馬「威老虎」及「喜寶駒」，全晚賀賢出馬兩件，柏寶騎晒，睇申請停賽係為呢對馬。

　　第五場「威老虎」，至今仍未贏馬交代，但上賽1650米有復甦走勢，後上跑第五，立即加眼罩再跑，但唔轉路程，部署似樣。

　　第六場「喜寶駒」，應該係匹一班馬，上仗僅不敵另一惡馬「牛精好友」，對手再出已贏多兩場，睇「喜寶駒」在三班唔使成熟十足都夠贏。Jack