明尼路乘勇再擒聖保羅

猪拉多纳

南美自由盃上演十六強次回合賽事，其中一場由兩支巴甲球隊內訌，明尼路主場對聖保羅。首回合狀態大勇嘅明尼路以二比一擊敗聖保羅。次回合明尼路有主場之利，相信再贏聖保羅機會相當之高，主W可謂今場不二之選。

（周四早上9時開賽）

明尼路近況大勇，連同州聯賽及南美自由盃已經取得四連勝，剛賽對托姆本斯更狂勝五比一。相信好多球迷都知道「細哨」朗拿甸奴正効力明尼路，當年佢離開AC米蘭時，其實好多歐洲球隊都有意向佢提供高薪合約，但「細哨」最終都係決定返巴西發展。原來「細哨」仍然想為巴西國家隊踢世界盃，返巴甲佢可以場場擔正，對佢穩定入選國家隊好有幫助。嚟緊巴西就會出戰洲際國家盃，「細哨」希望借南美自由盃大舞台去表現自己，今場肯定會拚盡所有，呢點對於明尼路爭勝好有幫助。