車路士熱刺左腳王「大」激戰

猪拉多纳

超級倫敦打吡搶踢歐聯！

今晚車路士喺主場對熱刺，呢場「倫敦打吡戰」唔止關係到下屆歐聯參賽資格，仲係今季英超表現最好嘅兩位球員，桑馬達同加里夫巴利嘅「左腳王決戰」，首循環車仔贏4:2，呢場熱刺要「大」報復，一於吼實1.65倍入球大！

（有線200及300、廣東體育周四凌晨2:45直播）

家陣車仔、阿仙奴同熱刺正為下屆歐聯參賽資格爭崩頭，車仔要兼顧歐霸盃，賽程頻密又難踢，剛啱喺聯賽作客以1:0絕殺曼聯，只能夠話入波嘅桑馬達質素高，而且佢每次落場都唔會Hea踢，有咩事就挺身而出做救世主，賽前佢話希望打沉熱刺鋪路踢下屆歐聯，言談間仲自爆會繼續打正選，以呢位西班牙翼鋒嘅弗爆狀態，又點會冇波入先？
桑馬達 巴利弗到漏

講到救世主，熱刺最近都係靠出爐「英超足球先生」加里夫巴利一個人撐住，先能夠保住參戰來屆歐聯嘅希望，仲有呀，係人都知保亞斯執教熱刺前，經歷過上任9個月畀車仔炒魷嘅恥辱，雖然佢把口話唔會將私人恩怨投射喺比賽入面，不過大家只要諗番熱刺今季喺主場以2:4慘負車仔嗰場波，當時保亞斯個生意失敗Look，就可以肯定佢會諗計開W，唔會輕易向舊老細投降。
近2次交手有12個入球

據講入到下屆歐聯分組賽，就至少會有4,000萬歐元（約4億港元）進帳，雖然外界不斷吹風，話皇馬同巴塞都想撬加里夫巴利過檔，但「齊天大聖」似乎暫時無意離隊。咁又難怪嘅，熱刺主帥保亞斯一手一腳令巴利成為3料足球先生，所謂飲水思源，英超孫悟空又點會唔想入多幾粒、幫保帥打江山，爭取出席來屆歐聯吖？何況熱刺非常睇重佢，尋晚仲再次聲明呢個夏天唔會賣走巴利添。既然兩軍近2次交手，合共炮製咗12粒，有條好路，兩位「左腳王」又弗到漏，當然要繼續追啦。
車仔主場對賽一面倒

‧車路士近23次主場鬥熱刺錄15勝8和。

‧熱刺作客連開6口入球大。

‧兩軍近8戰都係有6場開大。

‧兩軍近兩次對賽，分別開5:1及2:4。