三箭展開搶「分」之旅

猪拉多纳

作為上季日職冠軍，廣島三箭今季出閘脫腳，聯賽踢咗將近三分之一，落後榜首大宮松鼠成12分，打少一場嘅佢哋，決心响5月展開追分之旅，今日响（六）1主場迎戰大分三神，1.92倍「讓球主勝」抵博。
大分三神開季14戰不勝

因為日職、亞冠盃雙線作戰，三箭今季明顯應付唔嚟，聯賽打親硬仗都賴嘢，喺亞冠盃直情未贏過。依家好嘞，亞冠盃執咗包袱，三箭可以專心踢日職，以佢哋嘅質素，打大分呢啲下游球隊，絕對冇乜難度，何況大分近排的確好曳，開季聯賽連盃賽14場波未贏過包緊尾，而且聯賽平均每場失成兩球，真係唔死冇用。

當然，三箭都唔算Full Team，龍門增田卓也5日前對大宮嗰陣，撞到腦震盪入廠，雖則冇乜異常出咗院，但係今仗多數要抖抖，不過佢哋仲有件西川周作頂住，唔怕會畀大分偷到雞。