AC金色戰衣搶主Ｗ

猪拉多纳

意甲倒數第二輪聯賽，焦點賽事為AC米蘭主場對羅馬。現時聯賽冠亞軍已經確定，最後一個來季歐聯資格就留給AC米蘭及費倫天拿爭奪。基於AC米蘭領先費倫天拿四分，故此今場贏波即可奪成為聯賽季軍兼取得歐聯席位。既然目標就喺面前，AC米蘭必拚盡求勝，今場捧主Ｗ。

（廣東體育頻道周一凌晨2時45分直播）
爭踢歐聯戰意勝羅馬

AC米蘭近期弗爆，近三場聯賽全勝之餘，周中作客佩斯卡拉更以四比○大勝。最令人安慰係巴洛迪利連續三場都有入球，狀態比起好友艾沙拉維更佳。近期有消息指AC米蘭老闆貝魯斯干尼會為球隊進行大改革，惟首要目標係取來季歐聯入場券以確保收入。球員清楚了解話事人心意，今場關鍵賽事定必使出十成功力，務求全取三分滿足老闆要求。仲有，今場AC米蘭會着起來季第三作客球衣比賽，呢件新款衫以金色為主調，令到球員喺球場奔跑時顯得金光閃閃，淨係件衫都贏你。

雖然話羅馬要爭歐霸盃資格，但大家要知道今季意大利盃將由羅馬與拉素爭奪。所以羅馬就算喺意甲失手，亦可透過盃賽冠軍去爭取歐霸盃參賽資格。因有其他出路，今場羅馬爭勝鬥志未必及得上AC米蘭，揀主Ｗ！