日月暉華落班惡

猪拉多纳

　　梁定華退休在即，現階段搵銀大過天，昔日罕見的起孖鏡頭，近期居然兩次出現！先是上月廿四日憑「大地王者」與「共創良機」梅開二度，剛戰又靠這兩駒包辦第二口孖寶。果然薑是老的辣，華哥稍一發勁，殺傷力非同小可，誠如他賽後所言，自己從練時日無多，馬匹豈有收藏道理？

　　講得一點沒錯，若論搏殺鬥志，華哥肯定較葉、蔡、方等人更加高昂，皆因人家就算爭冠失敗，他朝還來日方長，總有機會收復前失。可是華哥從練踏入尾聲，手上靚馬不拼白不拼，與其留來益下家，不如盡早搾乾搾淨，竭力爭取獎金同時，也為事業拼個完美句號。

　　今次賽事，華哥似乎食髓知味，又來一招貴精不貴多，部署手法恰如剛戰，同樣僅派兩駒上陣。賭博士並非華哥擁躉，對其戰馬甚至絕少捧場，但觀乎他季內神勇演出，鬥志確是今非昔比，值得投下信心一票。

　　第三場「日月暉華」是典型四班馬，近期出賽頻繁，目的無非求減分，今仗得償所願重返四班，回歸勝途心存大欲！第二場「仁愛之友」近仗頻試後勁，今次有幸抽黃金一檔，轉倉後尚未交代，又是必拼之馬。