沙士菲翻嗒舊生

猪拉多纳

懶理聯賽專攻自由盃

周四早上續演南美自由盃十六強次回合，阿根廷內訌沙士菲主場鬥紐維爾舊生，沙士菲下半季集中火力應付自由盃，現時聯賽徘徊榜尾，早已採取半放棄態度，相反紐維爾舊生因要兼顧阿甲爭標，雙線作戰疲於奔命，相信養精蓄銳嘅沙士菲可繼首回合贏一比○之後，再於主場贏多鋪，小讓平半捧上盤。

（周四早上6時15分開賽）

單睇沙士菲近期聯賽九戰不勝，實在好難令人相信佢哋係剛過去嘅阿甲春季（首階段）冠軍，不過去到自由盃賽場，沙士菲表現可謂判若兩隊。自從首輪分組賽不敵艾美歷克，沙士菲對上六場自由盃取得五勝一和，唯一和波只係喺最後一輪穩奪出線權情況下打和對手，態度明顯上心得多。
舊生爭阿甲冠軍疲於奔命

大家留意今季阿甲改咗制，季尾將會增設一場總冠軍爭奪戰，沙士菲既已奪得春季冠軍，有理由相信佢哋根本唔在乎秋季成績，情願集中火力踢好自由盃，所以唔好畀佢哋近期聯賽戰績呃倒。

紐維爾舊生情況剛好相反，目前於本土聯賽跟拉魯斯、河床鬥到「火紅火綠」，每場比賽都要搏盡搶分保住榜首，難免會影響自由盃發揮，沙士菲以逸待勞有優勢，讓平半捧上盤。
敲哥連泰斯主勝

另一場十六強次回合巴西哥連泰斯主場鬥阿根廷小保加屬上屆決賽翻版，上屆哥連泰斯首回合作客打和一比一，結果次回合返到主場贏二比○捧盃。今次佢哋首回合輸○比一，返主場更加非勝不可，穩陣啲可捧1.45倍主W，另外1.95倍上盤亦可一試。