奧林比亞會絕地大反擊

猪拉多纳

周五早上續演兩場自由盃十六強次回合，巴拉圭奧林比亞會主場鬥阿根廷堤格雷，奧林比亞會首回合落後一比二，為求收復失地一定喪攻對手，佢哋係今屆分組賽攻力最強球隊之一，堤格雷對上三場自由盃亦和對手合共炮製了十五個入球，預料今場亦係一場入球騷，波童首選大盤。

（周五早上7時開賽）
堤格雷作客照搏槌

奧林比亞會攻力強橫，今屆六場分組賽入咗十六球，同明尼路並列分組賽入球最多球隊，連同十六強首回合，佢哋今屆七場比賽有六場開大，如今落後一比二，必定乘主場之利狂攻對手。堤格雷今屆表現慢熱，但自從第三輪擊敗彭美拉斯開齋之後，愈踢愈有信心，分組賽最後兩仗先後大勝士砵亭水晶三比一及利伯泰迪五比三，由於佢哋首回合失咗一個作客入球，如果今場輸○比一就會被淘汰，相信球隊亦唔會踢得太龜縮，有利開大。

另一場十六強次回合由哥倫比亞聖達菲主場鬥巴西甘美奧，甘美奧首回合贏二比一，聖達菲雖然係分組賽唯一不敗之師，但去到淘汰賽階段經驗明顯不及對手，甘美奧有力保不敗，捧「讓球客勝」。

（周五早上9時30分開賽、馬會網上文字直播）