地頭蟲白蘭恩起筷

猪拉多纳

阿里辛特作客冇貨交

今日阿King想同大家研究吓挪超，白蘭恩返地頭迎戰阿里辛特，前者喺主場表現特別Sharp醒，實在搵唔到唔揀佢嘅理由，雖然阿里辛特剛剛聯賽主場大勝利尼史特朗7比1氣勢如虹，但今場作客演出實打折扣，主勝屬不二之選。

(周五凌晨零時開賽)

阿里辛特聯賽剛大勝，前鋒漢特拿更大演帽子戲法，踢得咁清風送爽，其實同對手開波冇耐輸壞「烏龍波」被打窒道氣有關，戰果未可作準。阿里辛特前仗作客不敵頹勢未止嘅莫迪，唔可以睇得佢哋太高。相反白蘭恩隊波就簡單得多，可以抱住「主捧客反」嘅原則去買呢隊波，該隊開季九仗五勝四負，咁蹺五場贏波全部都係嚟自主場，名副其實係「地頭蟲」，球隊射手侯錫納普淨係識得喺自己地頭入波，今仗又係起筷之時，簡單捧個主勝。
華拉倫加平手盤「筍」

另一場挪超華拉倫加主場對特林素，前者近期喺主場呈「單跳」現象，上次輸完今仗又係時候贏番，加上特林素近年作客都畀華軍食住，平手盤梗係揀華拉倫加。最後荷蘭聯賽附加賽第二圈首回合，禾寧丹喺荷乙次循環一路好弗，只係喺尾輪輸波先至失去直接升班資格，眾將谷埋一肚火，誓要搵馬斯特里赫特發洩，作客都唔赦你，可直取客勝。