甘岡大起阿些斯奧

猪拉多纳

射手着火打落水狗

法乙去到尾二呢輪，依然大把好嘢，「爭升班孖寶」甘岡同南特分途出擊，面對已經篤定降班嘅GFCO阿些斯奧同色當，可謂不勝無歸，但兩軍贏波賠率太奀，見到都唔開胃，不如捧晒大盤好過！

（周六凌晨2時30分開賽）

甘岡目前排聯賽第三，領先第四昂熱四分，今輪作客GFCO阿些斯奧攞足三分，就肯定取得升班資格，又點會唔搏到盡先？球隊去到季尾勁到無倫，早前曾炒勒芒六比一，上仗鬥朗斯更加贏到七比○，射手耶達巴利喺呢兩場波共入五球，根本勒都勒唔住。GFCO阿些斯奧雖然已篤定降班，但「零壓力」下反而有較佳表現，上次作客拉瓦勒都贏二比一，今場係降班前最後一場主場聯賽，肯定同「法乙入球王」甘岡快打快，大盤要(目及)實。
南特全攻型入球騷

另一場南特主場對色當形勢同甘岡嗰場接近，南特一樣係贏波就肯定升班，色當後防曳到爆，係聯賽失波第二高球隊，呢場守來無謂，大有機會開大盤。最後預埋克萊蒙特，呢班波季尾回勇，作客近期Hea到暈嘅歐塞爾，有力保不敗。