曼城打雀氹fans

猪拉多纳

英超亞軍曼城今輪將會喺主場對「金絲雀」諾域治，呢場波睇落好似例行公事，但對於曼城嚟講就唔係咁簡單。因早前曼城喺足總盃決賽不敵韋根，唔單止辣慶咗球隊高層，唔少球迷都大力批評文仙尼唔識排陣，令到球隊今季四大皆空。曼城為要氹番班迷哥迷姐，有必要喺主場謝幕戰踢番場好好睇睇。老實講，以曼城今時今日嘅人腳，要贏諾域治可謂易如反掌，故推介「讓球主勝」。

（有線303及203台周日晚11時直播）
諾域治主強客弱

曼城剛啱就同前領隊文仙尼解約，度士覺得對球隊今場爭勝冇太大影響。其實今季已曾多次傳出球員與文仙尼鬧不和，爭拗不斷令到陣內氣氛欠缺融洽。依家文仙尼離隊，或對球員產生沖喜作用。再講，曼城球員質素高，由得佢哋自由發揮未必係壞事。球員肯放鬆心情去比賽，隨時會有意想不到效果。

「金絲雀」上輪聯賽大炒西布朗四比○，但要再下一城就有難度，事關呢班波主強客弱，而且近期到訪曼城都冇乜好結果，正頭正路揀番「讓球主勝」較為合適。