足智彩獨撐馬瑟韋爾要捧場

猪拉多纳

球季末風情，揀波愈嚟愈難，「四眼哥」睇到眼淚水都標，先睇到場蘇超聖莊士東對馬瑟韋爾。同尋日講嘅一樣，蘇超早已成定局，各隊球員嘅心態同戰意都相對難以捉摸，落注去賭嘅難賭，其實開盤嘅亦都難開。

足智彩操盤手開得一場波，而且仲要同歐洲大莊玩對抗，就一定有佢嘅論據，好似呢場蘇超爭標組嘅波咁，Ladbrokes同Interwetten呢啲大莊，都將主勝賠率調低過歐洲平均賠率，另外仲有好多中莊、細莊照跟，但足智彩操盤手今場反而高開主W，比兩個大莊家好分之餘，仲要好分過歐洲平均，同時調低和同客勝，舉動跟過往一樣，就係覺得主隊贏波有保留。

咁情況下，「四眼哥」自然照跟可也，推受讓嘅「讓球客勝」，馬瑟韋爾唔輸就收錢！