恒大水手演入球騷

猪拉多纳

廣州夜戰決生死

亞冠盃16強次回合，廣州恒大（足智彩譯名FC廣州）假廣州天河體育中心主場迎戰澳職名牌中岸水手，恒大首回合憑天價攻擊組合穆里奇同巴里奧斯齊齊入波，作客反勝中岸水手2比1，次回合返主場照攻可也；水手落後追分焗攻盞死快啲，主W賠率太奀，捧大盤！

（now 671周三晚8時直播）

中超領頭羊FC廣州，於意大利名帥納比帶領下，踢得愈來愈好，球隊贏盡國內錦標後，已將所有注意力放於亞冠盃。班主許家印曾豪言，要於入主五年內稱霸亞冠盃，今年已經係第四年，經過上屆八強出局後，球隊已累積足夠經驗，加上超勁實力，的確可真真正正挑戰錦標。
全北焗攻博「大」霧

FC廣州首回合先失一球下，納比即時要球員谷上打全場緊迫，即時攞番優勢反勝，巴里奧斯同穆里奇兩名外援入波都勁有質素。FC廣州無論主帥或球員都咁有卡士，今場就算有巴里奧斯受傷，但有郜林頂上，攻力仍得以保持。

首回合雖領先緊2比1，但出線仍未坐定粒六，況且贏波獎金豐厚，今仗肯定唔會龜縮。水手方面，上仗輸波賽後球員唔算激動，球員普遍認為優勝劣敗，隊長約翰赫捷臣，仲形容對手係「中國曼聯」。今場水手冇得保留，放膽進攻下兩軍唔慌入波少，取大盤。

另一場16強次回合日韓對決，柏雷素爾主場對全北汽車，柏軍三個巴西外援基奧、李安度杜明基斯同佐治韋拿卡士十足，全北首回合落後0比2必攻，一樣要捧大盤。

（now 671周三晚6時直播）