聖達菲受讓玩得過

猪拉多纳

南美自由盃16強嘅對賽組合，係以分組賽成績釐訂，小組成績最好嗰隊，就會遇上出線隊伍入面成績最差嘅一隊，結果分組賽戰績最佳3強，依次序為明尼路、聖達菲同奧林比亞會都順利闖入8強。首回合聽朝就正式開打，哥倫比亞嘅聖達菲會作客秘魯球隊皇家加斯拿素，受讓平半可以捧場。

（廣東體育周四早上6:45直播）
玩埋富明尼斯入球細

皇家加斯拿素雖然近6次主場5勝，但查實佢哋只係喺16支出線隊伍之中排行第10，上圈遇上烏拉圭嘅蒙特維多國民隊，亦只係靠互射12碼晉級，唔算好大說服力，最緊要係佢哋其實喺分組賽階段已經遇過聖達菲，結果兩循環只係取得1和1負，淘汰賽再相遇唔似有條件讓波。

另一場8強首回合由巴西「一哥」富明尼斯大戰巴拉圭嘅奧林比亞會，富明尼斯縱使近7次主場全勝，但其實甚少大手交易，當中5場仲係開入球細，對住分組賽表現突出嘅奧林比亞會，1.88倍入球細比起2.15倍「讓球主勝」穩陣。

（有線61及201、廣東體育周四早上9:00直播）
足球重心：聖達菲（下盤）、富明尼斯（入球細）

馬膽推介：5場(11)好利佳

之前連續4次出戰谷草短途排10檔以外，實在極之失運，但仍然都跑得接近，今次難得執番次2檔，係時候屈番一鋪機。
南美自由盃賽制

採主客兩回合制，今輪為8強首回合。兩回合計打和，將計算作客入球優惠，未分勝負將於次回合法定時間後，互射12碼決勝。