羅馬拉素大騷娛賓

猪拉多纳

首都決賽 PSY撐場獻唱

意大利受「韓流」侵襲！憑一首《江南style》唱到係人都識嘅PSY，今晚成為意大利盃決賽嘅表演嘉賓。據報盃賽主要贊助商意大利電訊(TIM)斥巨資邀請PSY嚟到意大利獻唱，一來係為公司宣傳，二來今次係意盃歷史上首次由兩支首都球隊羅馬同拉素爭奪，故主辦單位想令今場羅馬打吡戰更加有聲有色。今仗捧盃兼可獲下屆歐霸入場券，兩軍勢無保留，必搶攻爭冠，大盤要留意。

（now 635周一凌晨零時直播）
兼爭歐霸入場券

暫知PSY除咗會唱成名作《江南style》外，亦會送上新歌《Gentleman》，勢必令羅馬奧林匹高場內氣氛推至高峰。

今場唔單止爭盃咁簡單，兩支首都球隊仲要為歐賽資格而戰。基於羅馬及拉素都未能打入意甲積分榜前5名，故要出戰來季歐霸盃的話，雙方就要透過盃賽冠軍去奪取歐霸盃入場券。尤其拉素喺剛過去嘅歐霸盃表現唔曳，無論球員及球迷都好希望來季繼續參賽。羅馬近年進行市場大改革，經常出席商業活動，球隊高層認為羅馬如能出席歐霸，必大大增強宣傳及商業效果，球員待遇亦得以改善。

另外，羅馬陣中有唔少國家隊邊緣人，如意大利本土嘅奧斯華度、巴沙列堤、迪斯度及費奧倫斯等，阿根廷前鋒拉美路及守衞貝迪素等，都想透過意盃決賽去表現自己，爭取國家隊一席。唔好忘記意大利領隊柏蘭迪利先前公布嘅只係一份初選名單，任何球員都可能被剔走或補選，故今場決賽肯定賣力以換取好印象。既然兩隊都有爭勝推動力，加上意盃係一場過決勝負，相信羅馬及拉素都唔會作任何保留，主動進攻情況下對大盤也有利。
盃賽場合多交收

踏入2013年進行嘅8場意盃賽事，當中5場開大。從賽績所見意盃踢得較開放，好易產生大量入球，相信今場決賽都唔會例外，一於追大盤。