好靚仔沈集成300W

猪拉多纳

沈集成馬房一向以鬥志旺盛見稱，當起馬少有玩嘢可用則用，尋日佢隻「好靚仔」本身已經大超班，仲要交畀餓馬嘅潘頓騎，最終果然順利大熱掄元，仲幫成哥贏出從練以來第300W添！
       
沈集成大讚潘頓發揮出色。

馬主蔡惠宏眾所周知係識馬之人，佢話「好靚仔」得三歲根本未熟，潘頓唔想打得太狠，所以睇落好似贏得辛苦咗少少。成哥就話隻馬下年會更加好，季尾或者會考慮吓增程試一哩，為長遠發展鋪定路。