明尼路細守城池

猪拉多纳

首回合2:2 細哨缺陣火力減

南美自由盃8強次回合，巴西勁旅明尼路主場對墨西哥球隊迪祖亞拿，雙方首回合打和2比2，明尼路有兩粒作客入球在手，可以睇定來踢，加上球星朗拿甸奴有傷在身，難免削弱破門能力，主Ｗ僅1.36倍，實在唔抵玩。迪祖亞拿作客往往發軟蹄，估計亦難有作為，1.92倍入球細屬最佳選擇。

（周五早上9時開賽）

明尼路主W熱爆燈，好大程度上因為靚績支持，佢哋各項賽事，已保持主場十三連勝，對上一次喺自己地頭輸波，更加要追溯到前年8月。不過比賽係逐場計，盃賽更加唔可以太信往績，形勢先至係關鍵。明尼路今仗打和0比0或1比1都可以晉級，冇必要太進取求勝，而且主將朗拿甸奴受眼疾困擾，好可能缺陣，主攻亦未必有收穫，反而等對手空群而上再打突擊，隨時效果更佳。
迪祖亞拿作客勁曳

迪祖亞拿表面上形勢不利，但其實贏一粒都掂，唔需要太心急，上半場首要目標係先站穩陣腳，避免再失波，然後再謀入波。事實上，迪軍近七次作客僅一勝一和五負，五場敗仗都係捧蛋，實在難以對佢哋抱太大厚望，甚至要入波都有難度，細盤值得考慮。