熱門有疑點勿沾手

猪拉多纳

　　若果閣下不是超級靚仔、超級有錢、又沒有阿諾舒華辛力加的身形，而有個靚女突然在街上找你閒聊，又或者在互聯網向你放生電，避之則吉。

　　好不會主動找上門這道理，老竇都有教，但始終有人中招，歸根究底，是怕蝕底。只要你一生出「機不可失」的心態，就會自我催眠，數之不盡的「或者」從你心中湧出來﹕「或者佢就係貪我唔靚仔。」「或者我佢心目中，根本就係阿諾。」「或者佢睇中我可以媲美李白文采。」諗諗，你還是去馬了，結果輕則簽了份人壽保險，重則被騙財，能夠成為神仙眷侶的，少之又少。

　　放入馬場世界，某些馬上仗贏到超班，但今仗是疑點重重的大熱門，理性當然知道買唔過，但最後還是抵不住心中的「或者」，重插WP了。舉個例子，前晚第七場「泰山」，得1.7倍，疑點是初跑谷草、賽前體重暴升、閘前大汗，但還是有人大注賭牠呢。洋超