岐阜綠雉水鬥水獻細

猪拉多纳

日乙獨腳戲包尾大幡FC岐阜主場對岡山綠雉，岐阜係日乙黃大仙，開季十六戰輸十一場，經常慷慨派分，客Ｗ有1.7倍，睇落都幾筍。不過，綠雉客場士哥能力極弱，聯賽作客平均每場都入唔到一球，今戰可勝不穩，玩入球細更佳！

（周日晚6時開賽）

岡山綠雉目前位列日乙中上游，全靠主力前鋒荒田智之交到貨，呢個前鋒夠料打日職，今季喺聯賽已入八球，成為隊中首席射手，表現對辦。

不過，綠雉最大缺點係作客士哥量偏低，聯賽客場七戰只入六球，早前作客同弱旅鳥取飛翔互交白卷，今場客勝偏熱，唔多抵玩。
綠雉作客入球量低

日乙踢咗未夠一半，FC岐阜已被視為降班大熱，佢哋攻守都未及日乙水平，聯賽十六戰入得七球，渣到唔恨。岐阜近期於主場出戰稍有改善，早前面對實力分子千葉市原都係小敗○比一，若能繼續做好防守，有力減少失波，今戰開出入球細機會都幾高。