三連勝未夠喉 不死鳥啄埋向日葵

猪拉多纳

日乙周一獨腳戲京都不死鳥主場對北九州向日葵，論近況京都不死鳥比起對手好得多，近三場聯賽全數勝出，球員狀態良好自然可繼續追捧。客隊北九州向日葵開季至今聯賽僅得兩勝，實力有限今場難偷雞，京都不死鳥「讓球主勝」好分頭值博。

（周一晚6時開賽）

京都不死鳥今季志切升班，戰意肯定唔使懷疑。今輪聯賽遇到弱勢球隊北九州向日葵，主隊又點會錯失攞分機會。留意到京都不死鳥近兩次主場對北九州向日葵都能勝出，心理上已佔優，優良往績進一步提升球員信心，可以放心捧場。
堤格雷撼聖馬田旺大

阿甲方面，堤格雷主場對聖馬田聖祖安可捧大盤，兩支下游球隊近幾次交手都有波入，相信今次都唔會例外。

另一場阿甲男生隊主場對紐維爾舊生，客Ｗ較可取。男生隊近三場全敗兼冇入球，球員狀態明顯回落，主場出擊都信唔過。

紐維爾舊生雖然近期比賽較頻密，但球隊勝在質高，作客贏波冇難度。