南韓客戰黎巴嫩惡啃

猪拉多纳

世界盃亞洲區外圍賽A組爭持激烈，二哥南韓今輪作客黎巴嫩，客W熱至1.33倍，好似贏硬咁，但黎巴嫩近年積極喺世界各地招兵買馬，加入唔少歸化球員，戰鬥力大幅提升，呢舊豬頭骨唔易啃。今場一於自製受讓球半盤，博黎巴嫩唔輸多過一球，捧晒「讓球主勝」同「讓球和」！

（now 671周三凌晨1時30分直播）
黎國多歸化球員戰力增

近年亞洲國家積極喺世界各地「招兵」，菲律賓喺歐洲引入多名歸化球員，全面升呢。黎巴嫩有樣學樣，加入唔少新成員，包括踢緊挪威史達比克嘅中場希達亞，以及喺瑞典艾夫斯堡搵食嘅門神阿巴斯哈辛，最新面孔係美國前鋒桑尼沙特，呢位年僅廿歲小將來自美職肯薩斯體育會，上場首次代表國家隊喺熱身賽對阿曼即有士哥，今次有機會繼續擔正攻堅，呢隊波主場出擊戰鬥力唔弱，唔好睇死佢哋。

「太極虎」僅領先第三位伊朗及第四位卡塔爾三分，仲未穩奪出線席位，今次召入多位外流球員搏殺，包括漢堡前鋒孫弘民、奧格斯堡射手池東沅及保頓中場李青龍等，但中場大將寄誠庸同具滋哲不在陣中，創造力必大減。南韓對住世界排名過百位嘅黎巴嫩，正路贏面較高，不過佢哋客場戰鬥力要打折扣，今戰頂盡小勝，甚至有機會失分。