墨西哥頻撲捱細界

猪拉多纳

巴拿馬有料到頂得兩嘴

聽朝上演3場世界盃中北美外圍賽，其中墨西哥「3連擊」第2場賽事將作客巴拿馬。計人腳墨西哥梗係秤先，一粒「小豌豆」查維亞靴南迪斯，身價分分鐘高過對手全隊總和，但巴拿馬進步神速，蓄銳主場出擊頂得吓，今戰捧細盤較穩。

（周六早上10時05分開賽）

喺中北美州賽區，墨西哥同美國不嬲玩晒，兩軍鶴立雞群，所以墨軍都唔急，頭3場分組賽Hea踢下全部和晒，稍感壓力下，上仗作客牙買加終於贏波，睇到墨西哥有足夠實力，喺小組賽制下玩留放。呢次國際賽期，墨軍要喺7日內踢3仗，今場係球隊短時間內第2度作客，之後仲要硬撼哥斯達黎加，今場作客巴拿馬最多小勝，唔會有力盡數。

巴拿馬近年進步唔少，今次進身「6強賽」，頭3戰贏洪都拉斯、賽和哥斯達黎加及牙買加，不敗之餘仲場場有波入。3日前墨西哥喺牙買加打生打死嘅時候，巴拿馬就輪空，今場有氣有力或令對手陷於苦戰，入波唔會多，捧細盤。
哥斯達黎加排「洪」搶Ｗ

另一戰哥斯達黎加主場鬥洪都拉斯，洪軍主場就也文也武，之前作客巴拿馬即吞2蛋，哥軍有好波之人拜仁雷斯壓陣，取主Ｗ。