美國強勢「買」得過

猪拉多纳

各位球迷捱眼瞓到天光等睇阿根廷之餘，其實聽朝仲有幾場世盃外中北美洲區賽事好路，話唔定可以搵到早餐錢，安高心水係（五）22牙買加對美國，由名帥奇連士文帶領嘅美國啱啱砌低完德國，信心大增，加上整體實力較主隊優勝，要開2倍客W冇難度啦！

美國目前喺中北美洲區以3戰得4分排第4，由於小組前3先可以直接殺入決賽周，點到佢哋唔搏？雖然美國射手當路雲仲未歸隊，但佢哋陣內幾名主將諸如艾迪杜里同丹普西近年喺歐洲球壇都有好演出，進步神速。奇帥今仗仲特登提早3日喺周二抵達牙買加，話要適應環境同天氣，鬼咁認真，以牙買加4戰都未開齋嘅實力，美國唔難贏波。

（五）24巴拿馬主場對墨西哥，客軍日前作客1:0擊敗牙買加打開勝利之門上榜首，士氣一流，狀態都信得過。佢哋前線有「小豌豆」查維亞靴南迪斯同杜斯山度士壓陣，係入球保證，巴拿馬就算有地利都好難偷雞，墨西哥讓平半唔多，要1.73倍上盤穩陣！