貝格拉諾大騷迎賓

猪拉多纳

聖馬田搶分護級殺得性起

今個周末雖然係國際賽檔期，不過唔少南美波依然如期舉行，其中阿甲秋已進入最後直路，護級分子聖馬田聖祖安近期拚命搶分大踢開放足球，連續六場開大盤，今周作客遇上已冇心理包袱嘅貝格拉諾，續追大盤啱數。

（周日凌晨3時開賽）

阿甲降班係計算球隊過去三年所取得嘅聯賽平均分，最低分三隊來季要降落乙組，目前形勢聖達菲聯已返魂乏術，來季肯定阿乙再見，聖馬田聖祖安排尾三，如果以此排名過終點亦要降班，所以佢哋近期踢法變得好積極，除咗連續六場開大盤，對上十三場亦有十一場開入球大，比率逾八成。

貝格拉諾目前已冇降班威脅，而且亦取得來屆南美球會盃參賽資格，餘下聯賽變相只係例行公事，今仗有主場球迷打氣，相信可放開懷抱踢番場好波，有利開大盤。
沙蘭迪主W唔怕追

另外兩關亦為阿甲秋賽事，先講葛度爾古斯主場對堤格雷，葛度爾古斯雖然爭標機會微，但仍有機會爭奪來屆南美球會盃資格，堤格雷早前自由盃出局後已無心戀戰等放暑假，今場捧主Ｗ。最後沙蘭迪兵工廠主場鬥基爾梅斯，沙蘭迪兵工廠主場威力勁，對上十場贏足九場，而且近年都食住對手，近五次交手取得四勝一和，主場出擊可放心捧場。