愛將再放光芒

猪拉多纳

　　今日6泥5草賽事，形勢一片混亂，尤其泥地，有時場地狀況唔知點，有時地硬入面好，有時地淋出面正，或者外檔唔蝕，仲要唔知濕快或濕慢，雖然，馬會唔係冇公布場地指數，但好多時跑完一兩場至知係點，到時都救唔番，的確難以預料。

　　第一場新馬賽1200米。「追風駿足」上賽前韋達長期摸到實一實，但最終推庄冇跑，跑咗同場另1匹蔡廐馬，唔知係人情債，還是騎師跌眼鏡，總之，呢匹落在柏寶手上表現出色，如果唔係輸了經驗，及賽前曾經停課，可能更加有威脅，估計今次再出，應該跑高啲，再遇「你知我心」，因為有讓磅差距，有力反先。

　　第七場四班1400米。「歡惑」除了季內首兩仗跑至全無水準可言之外，往後7場賽事，全數跑入前幾名，其實一直未出頭，只怪呢匹馬仲係未成熟，目前仍然有唔少壞習慣，但假以時日，相信必有一番成就。今次再跑同程，由於場地有變，前領優勢應比上場大，若步速控制得好，有力帶返。

　　第九場三班1200米。「愛將」真正係明星馬，本身演出亦準，跑兩場冇W有Q，可知馬主有幾好鬥志。當然四升三班唔係冇難度，因為對手已經唔同晒，好在本身在進步中，上仗第2次出賽，已經見到改善好多，所以，跑至第3仗，如果持續進步，再贏唔奇。