多哥爆逃兵潮撐利比亞

猪拉多纳

今晚世盃外非洲區賽事，有I組榜首利比亞迎戰多哥，雖然多哥球員質素明顯高一籌，不過賽前就因為利比亞境內暴力事件，嚇到客軍多名主將「縮沙」唔肯踢，極有可能因而輸波繼續留守榜尾，1.57倍主W熱都照食呀！

（開賽時間：周六凌晨0:00）

羅馬奧 阿耶迪留法國
利比亞國內局勢持續混亂，上周六喺原定舉行比賽嘅城市班加西更發生咗武裝分子殺死31人嘅血案，雖然FIFA因而決定將呢場賽事移到另一城市的黎波里進行，不過唔好忘記2010年多哥作客安哥拉時曾經發生隊巴遇襲嘅事件，令唔少球員都有極大陰影，除咗主將艾迪巴約同埋正選門神阿加沙一早講明唔踢，分別効力緊馬賽同埋比斯特嘅羅馬奧及莊拿芬阿耶迪，都決定做「逃兵」留喺法國，難免令剩低班球員士氣大受打擊。

利比亞分組賽未輸過
多哥陣中有唔少外流歐洲嘅球員，論質素算係較利比亞眾將稍高，不過利比亞今屆喺分組賽錄得1勝3和未輸過，儘管陣中全屬名不經傳嘅土炮，但面對軍心散渙嘅多哥絕對有力全取3分，繼續穩佔榜首o架！

非洲區I組