侯斯頓遇弱 係時候反彈

猪拉多纳

乜嘢叫風水輪流轉？睇吓侯斯頓戴拿模就知！4月中剛創下接近兩年主不敗歷史紀錄後，侯斯頓轉過頭竟喺自己地頭二連敗，正式步入低潮。但今仗有猛將復出，加上遇上弱旅FC多倫多，可重拾主場霸氣！

（周日早上9時開賽）

自11年6月開始，侯斯頓連盃賽創下36場主場不敗紀錄，但5月中輸畀肯薩斯體育會後，之後更吞新英倫革命兩蛋。球隊整體戰績亦下滑，已錄得兩連敗。但中場大將巴特戴維斯已傷愈，今戰可復出，大大增強球隊戰鬥力；FC多倫多上仗僅靠對手擺烏龍先至符碌取勝，今次作客唔會再咁好彩，博侯斯頓反彈贏波。