多倫多回勇唔赦鹽湖城

猪拉多纳

今日美職有好嘢，FC多倫多回勇，主場唔赦皇家鹽湖城！FC多倫多近期醒到極，先取得今年客場首勝，繼而再取得本季聯賽第1場不失球佳績，教練賴恩尼爾遜激讚隊波掂過碌蔗。鹽湖城近期咁勁只因多喺主場作賽，呢次作客有暗湧，平手盤捧主隊！

（周日凌晨1時開賽）

FC多倫多季初戰績好曳，前布力般隊長、球會新帥賴恩尼爾遜都有唔少壓力，但磨合期過後終於打出水準，早前作客擊敗華盛頓聯隊，2013年首次贏波；之後再作客同侯斯頓戴拿模互交白卷，係今年首次保到清白之身。FC多倫多近6次主場迎擊皇軍1次都冇輸過，呢次當然值捧！

至於蒙特利爾衝擊主場對科羅拉多急流，衝擊前鋒迪華奧老而彌堅，上場又有波入，加上衝擊主場強勁威力可輕取對手。洛杉磯銀河作客聖荷西地震，銀河近期明顯上力，平手盤好路！