吳霍呂廐鬥快上岸

猪拉多纳

　　尚有最後4期賽事，就要同今個馬季講bye-bye，目前練馬師榜首及榜末仲係鬥緊，前三名葉東蔡難分高下，而榜末形勢方面，雖然李廐必然墊底，但仲有3位練馬師未擺脫接警告信危機，手上只得12W，睇吓最後邊個先上岸，定係大家排排坐口糠糠嘞。

　　吳定強今日派出「喜遇知己」、「有情風」及「準依時」，有兩匹新到唔恨，唔慌有用住，所以，攞分機會必在新勝「有情風」身上，如果贏完唔係打退堂鼓，加幾磅冇理由冇得再爭。

　　相對地，霍廐形勢大好，今次有幾駒具有近績支持，第三、五、九及十一場那4駒，千祈唔好睇小，如果真係耍揀其中一兩匹博WP，「熱刺小馬」及「同感」比較可取。

　　呂健威馬房今日行情普通，冇乜好馬上陣，頂多係一匹老馬「無雙小子」稍有冷味，除非演出忽然神勇，唔係都幾難有馬贏。Jack