歡惑班利再捷

猪拉多纳

　　啱啱周三夜賽，方仔真係冇乜運，搏足全晚只得1W，不過，賽前睇到佢係大軍壓境，作為馬迷，事前一定feel到。至於今期賽事，另一位前列練馬師大摩，似有相同部署手法，出馬唔係少，仲要隻隻有餐士，今日呢個馬房頭馬數字應該坐二望三。

　　第六場四班1400米草地。「歡惑」呢件綵衣好少係次貨，正如「步步」系一樣，不過呢匹馬有排未去到成熟期，預期下季前景好得多，但進度未起飛，在四班已經有馬贏，牛刀小試咋 ！今次加磅不多，留在原班，又有好位之助，再捷。

　　第十場三班1400米。「同個夢想」初出直路賽後上第四，轉爭1200米又再姍姍來遲，以為加程至1400米效果會有唔同，點知又係同一結果，真係好鬼「濕滯」。講到呢匹馬潛力，又係下季始屬收成期，阿棟認定佢二班夠贏！只係目前未處於當打期而已。今次變數在於換人，由湯美仔接手，可能有不同騎法，希望有轉機。

　　第十一場二班1800米。「替天行道」盛傳價錢唔平，成績則未令人滿意，跑來跑去只得兩場跑入前四名，實力好似唔多對辦。不過，上賽只係差少少贏唔到，證明二班站得穩。今次賽前操到足、再用巫帥，擺明決心爭出頭，屬尾場穩膽。

　　點買法

　　估計全日大摩均有動靜，唔會得一兩匹馬搏殺，大部分場合必須盯緊此廐馬，當中阿棟最鍾意梗係「歡惑」，一於單W捧場，而重心QT場合亦在此場，投X策略係{拖;%&+。