AIK主場食靚米

猪拉多纳

周二凌晨有兩場瑞典超同時間舉行，其中一場AIK蘇納主場對米贊比。論近況AIK蘇納一定比對手好，尤其上輪聯賽作客擊敗前列球隊希爾星堡，就睇到班球員狀態有幾弗。今次AIK蘇納返回主場比賽，爭勝心有增冇減。米贊比近年對住AIK蘇納都冇運行，賽績擺到明畀對手「食住」，相信主隊有能力大捷而歸，捧「讓球主勝」。

（周二凌晨1時開賽）

同時間舉行嘅另一場瑞典超阿維達貝治主場對布洛馬波卡納，客隊今季作客成績極差，除咗聯賽作客敗率超過八成外，失波數字亦相當之高。阿維達貝治聯賽兩連勝兼冇失球，近績比起對手好得多。今場對賽強弱分明，大可進取多少捧「讓球主勝」。