2場瑞超賠率一樣最啱博孖膽

猪拉多纳

今日公眾假期得兩場瑞超玩，最明智就係簡簡單單買孖膽。如果細心留意賠率，就會發現兩場波不論係主客和、大細、甚至波膽，各瓣嘅賠率都係一模一樣，值得研究吓。

當然，兩場波都係以狀態較好嘅主隊佔優，但估計唔會開出類近嘅波膽。先講頭關AIK蘇納主場對作客4連敗嘅米贊比，AIK近8戰半場都未試過0:0，當中近4戰有3次半場領先1:0，可以先行考慮，對家米贊比鋒力喺瑞超排第2，輸波亦有望爭取入球，除咗要2:1，博賠率就要埋3:1、3:2。

次關阿維達貝治主場迎戰布洛馬波卡納。阿維達貝治近4戰3場冇失波，同時連續3次半場冇波入，今場唔似大手交易，所以半場揀0:0同1:0，全場要1:0、2:0。（開賽時間：周二凌晨1:00）