告東尼精兵咪睇小

猪拉多纳

　　睇過今次嘅出馬陣容，以及周日前列3個馬房報名馬，相信決戰將會進入最後直路，事關葉廐為鞏固領先地位，兩期內正選馬多到滿瀉，蔡約翰亦有同感，而東廐今期看似人丁單薄，實情好戲在後頭，所以，呢兩期應該係呢3位仁兄分勝負重要時刻。

　　表面上，告東尼呢次出馬只得兩匹，堂堂大馬房而言，好少會出現類似情況，不過，呢兩匹馬又唔係冇料到，仲要隔晚熱得好緊要，可能係精兵戰略，勿當東廐馬冇到。

　　目前葉廐與東蔡兩廐，相差兩場頭馬，假使佢哋頭馬數目一樣，因為東廐亞軍多其餘兩位一大截，將以點數勝出，所以，目前63W的東廐最重要係唔好被拋開。今夜東廐派出「美麗昇華」及「卓爾名駒」，前駒上場贏得輕易，而能夠反先「喜寶駒」，反映繼續進步，三班唔會有阻力；後駒勝在位好路合，均有一定贏面。Jack